Aves a utilizar
Calquera das especies e subespecies de accipiter, falcónidas, buteos ou parabuteos, así como os seus híbridos. Cada especie na súa modalidade correspondente. NO CASO DE CALQUERA HÍBRIDO CON AZOR voará na proba de azores.
Nota importante sobre perchas: Durante o desenvolvemento da proba queda prohibido ter aves nas súas perchas ou bancos á vista da ave participante e, ademais, en todo momento deberán estar acompañadas con alguén pendente para evitar incidentes. Os xuíces poderán determinar a expulsión ou descalificación dos infractores.
Sorteo
O sorteo será presencial: introduciránse os nomes dos participantes nunha bolsa e segundo van saíndo elixirán quenda de voo. Un participante presente só poderá coller a quenda dun único participante ausente.
Á finalización, a organización asignará a quenda de voo que quede libre ao participante que non se teña presentado.
Inicio da proba e Quenda de Competición
Os participantes serán chamados como mínimo con dúas quendas de antelación nun punto designado, debendo presentarse coa súa ave. O non presentarse sen causa de forza maior suporá a descalificación da ave (ou decisión dos xuíces se hai varias).
Desenvolvemento do lance
- Presentación: Ao chegar aos xuíces, preséntase o cetrero e a súa ave, informando de como realizará o lance e os motivos.
- Comprobacións: Os xuíces revisarán indumentaria, equipo, telemetría, jalde, mansedume e plumaxe antes de dar instrucións.
- Distancias: O cetrero colocarase nun radio de 360º do punto de servizo, a unha distancia mínima de 25 metros para harris e 50 metros para azores e falcóns man a man (maior distancia dá máis vantaxe á presa e puntúa favorablemente en caso de empate).
- O percorrido: O servizo de perdices ou faisáns faise obrigatoriamente no punto designado e sóltase á orde do participante. Avaliarase o transporte no puño (sen debatidas nin desequilibrios polo vento).
- A solta: Dase o sinal convindo e sóltase a presa. Pódese acompañar co brazo pero nunca lanzar a ave das pihuelas.
- Remate e Cambios: O lance remata co cambio, a ave no puño e a presa no morral. Non se pode levar a presa á vista do público na man. O cambio faise con cortesía ou señuelo (prohibido tirar a cortesía a un lado). Tras 10 segundos sen ataques do ave preto da presa, dáse por rematado.
Quenda Nula
Se por circunstancias alleas ao participante se altera a súa quenda influíndo negativamente na súa puntuación, os xuíces poderán declareala nula para voar de novo.
Criterio de escape curto: Se o escape non voa máis de 25 metros (ou 15m en vertical) e a nosa ave sae rápido facendo captura, a quenda declárase nula por escape inadecuado. Se entra ao chan/aire dentro deses 25m, non hai captura e o escape segue voando, o lance continúa.
Nota: Se o escape cae antes dos 25m, a ave rehúsa ou se posa preto sen intención de captura, o voo NON será nulo (enténdese falta de interese e non voará o segundo día).
Penalizacións Oficiais
- Calquera acción antideportiva: -10 puntos
- Falta de respecto á organización, xuíces ou participantes: Descalificación
- Levar a presa na man tras o cambio sen gardala ao dirixirse ao público: -5 puntos
- Se o morralero asesora ao participante na forma de efectuar o lance: -5 puntos
- Ter a ave en percha á vista da seguinte ave e facer caso omiso tras o primeiro aviso: Posible descalificación.
Sistema de Puntuación (5 Fases)
O sistema reduce dúbidas en caso de empate e desglosa o rendemento da quenda:
- 1ª FASE: Actitude de Caza (0 a 5 pts): Valora a atención e tensión da ave no campo revisando continuamente.
- 2ª FASE: Voo sobre a presa (0 a 20 pts): Avalía o bater de ás (normal ou moi forte) segundo a dirección do vento (rabo, lateral, pico a vento ou 360º).
- 3ª FASE: Captura (0 a 20 pts): Puntúa desde rehusar (0 pts) ou recaces múltiples, ata capturas en chan ou en aire a diferentes alturas e distancias de traxectoria.
- 4ª FASE: Cambio da presa (0 a 5 pts): Rapidez e limpeza ao recuperar a ave ao puño e gardar a presa sen levar en man de forma prolongada.
- 5ª FASE: Global do lance (ata 5 pts): Presentación, indumentaria/equipo, explicación correcta do preamentamento e estado de pluma, jalde e mansedume.
